6 ഹവേഴ്സ് എന്ന ചിത്രത്തിലെ അഭിനയ മികവിന്, അനൂപ് ഖാലിദ്, 2021-ലെ കേരള ഫിലിം ക്രിട്ടിക്സ് പ്രത്യേക ജൂറി പുരസ്കാരം നേടി. ഭരതിനോടൊപ്പം ലൂക്ക് എന്ന ശക്തമായ കഥാപാത്രത്തെയാണ് അനൂപ് സിക്സ് ഹവേഴ്സിൽ അവതരിപ്പിച്ചത്. അഭിനയ ജീവിതത്തിൽ കിട്ടിയ ഈ വലിയ അംഗീകാരം, ഒരു തിലകക്കുറിയായി കൊണ്ടു നടക്കുമെന്ന് അനൂപ് ഖാലീദ് പറഞ്ഞു.
കൊല്ലം സ്വദേശിയായ അനൂപ്, മിമിക്രി രംഗത്ത് പയറ്റിത്തെളിഞ്ഞ ശേഷമാണ് സിനിമയിൽ എത്തിയത്. മമ്മൂട്ടിയായിരുന്നു പ്രചോദനം. നരൈ എന്ന ആദ്യ ചിത്രത്തിലൂടെ ശ്രദ്ധേയനായ അനൂപ് ഖാലീദ്, സിക്സ് ഹവേഴ്സ് എന്ന ചിത്രത്തിലൂടെ കൂടുതൽ ശ്രദ്ധേയനായിരുന്നു.
– അയ്മനം സാജൻ
