അനൂപ് പെരിയൽ
മാനത്തെ മുറ്റത്ത് വിരുന്നു വന്നു
ചിരി തൂകി കൊച്ചു മഴത്തുള്ളി.
തുള്ളിത്തുളുമ്പുന്ന കുഞ്ഞുമഴ
മണ്ണിൽ മുത്തമിടാൻ പാറി വന്നു!
ചറ പറ പെയ്യുന്ന മഴയത്ത്
കടലാസ് തോണിയിറക്കാം ഞാൻ.
തവളക്കൂട്ടം കരയുന്നു
തകിലടി മേളം മുഴങ്ങുന്നു!
മുറ്റത്ത് ചെടികൾ കുളിച്ചു നിൽപ്പൂ
പുത്തനുടുപ്പിട്ടു പൂക്കളും.
തണുത്ത കാറ്റത്തു തുള്ളിച്ചാടി
താളം പിടിക്കാം കൂട്ടരേ..
#malayalam #poem #literacy #reading #online #magazines #writing #magazine #online
